Një pallto, xhup apo pellush është ajo që na duhet në këto ditë të ftohta. Përveç funksionalitetit, bukuria është ajo që të gjithë shohim në veshjet tona, për mos të thënë që dhe mund të durojmë të ftohtin, me diçka të hollë në një mbrëmje vetëm e vetëm të veshim xhaketën e preferuar. Pavarësisht temperaturave të ulëta ka edhe nga ato të famshme si Lori Hoxha apo Armina Mevlani të cilat për t’u dukur bukur kanë zgjedhur edhe një xhaketë lëkure.
Por çfarë kanë preferuar të veshin më shumë VIP-at shqiptarë në këto ditë festash? Janë një sugjerim shumë i mirë edhe për ju për t’u dukur të veshur bukur, por edhe ngrohtë.
Irena Kita ka vendosur t’i pres festat e veshur me pallto. Një sugjerim shumë i mirë për tu dukur i veshur me stil dhe mbi të gjitha për të qenë ngrohtë. Fustanin tuaj të preferuar mund ta kombinoni me një pallto dhe do të ndiheni të veshur në çdo rast.
Këngëtarja Jonida Maliqi është një ndër femrat më me stil përsa i përket veshjes. Zgjedhja e saj e këtyre ditëve është një xhup i gjatë me pellush, ngjyrë ulliri.
Këngëtarja Oridea Latifi, e njohur me emrin e artit Kida, ka preferuar të shfaqet këto ditë me një pellush të kuq. Me këtë veshje ajo është parë edhe në videoklipin e këngës së saj të fundit “Kce”. Me sa duket ky është fiksimi i momentit për Kidën. Mbi të gjitha mund të themi që i përshtatet edhe me atmosferën e ftesave dhe gjithashtu e mban ngrohtë në këto ditë të acarta.
Moderatorja Nevina Shtylla ka vendosur t’i kalojë festat e fundvitit në Kopenhagen të Danimarkës. Ish-modelja e “ICON Agency” është parë e veshur në dy stile të ndryshme. Sport me një xhup të gjatë dhe klas me një pallton të gjatë. Ngjyra e saj e preferuar me sa duket qenka e zeza.
Luana Vjollca kaloi disa ditë pushimesh në Stamboll. Moderatorja simpatike është kujdesur që të ndaj me fansat disa detaje nga pushimet e saj. Së fundmi ajo ka postuar në “Instagram” disa foto ku shihet e veshur me pallto. Palltoja ngjyrë kafe është e preferuara e saj.
Lori dhe Sara Hoxha, dy trashëgimtaret e Top Channel, janë shfaqur për herë të parë së bashku në ekran si të ftuara në emisionin “Shiko kush Luan”. Dy motrat simpatike na kënaqën me humorin e tyre, por në të njëjtën kohë zbuluan edhe të fshehta të cilat nuk do t’i thonin në rrethana të tjera.
Dy motrat kanë postuar së fundmi një foto ku shfaqen të veshura shumë shik. Lori ka zgjedhur të sakrifikojë në një ditë të ftohë me xhaketën e saj të preferuar prej lëkure, ndërsa Sara ka parapëlqyer një pallto të gjatë të zezë. Sipas jush kush duket më bukur?
Bukuroshja Orinda Huta ka realizuar një set fotografik gjtë këtyre ditëve festive ku shfaqet e veshur me një pellush blu.
Modelja Liberta Spahiu ka përzgjedhur për këto ditë të ftohta një xhup super të ngrohtë. Një xhup ushtarak me pellush që besoj të bën të ndihesh si në sauna edhe në ditët më të ftohta të dimrit. Ju vajza që keni probleme me të ftohtit mund ta merrni parasysh këtë zgjedhje të Libertës.
Armina Mevlani ka zgjedhur New York-un në këto ditë festash. Nuk e dimë nëse është për punë apo për pushime. Ajo që dimë me siguri është që po kënaqet shumë dhe po i shijon deri në detaje këto ditë në New York. Në fotot që ka postuar në “Instagram” blogerja e famshme shfaqet e veshur me një xhaketë lëkure ngjyrë të zezë.
Motrat Koçi, Eni dhe Greta kanë pasur të preferuarën e tyre gjatë gjithë këtij sezoni, pellushin e gjatë blu.
Burimi: Iconstyle.al
