Xhuljeta Çuni humbi jetën në mënyrë tragjike ditën e djeshme, pasi u ekzekutua me dy plumba pas shpine nga ish i dashuri i saj Xhafer Mata, në zonën e “Don Boskos” në Tiranë.
31-vjeçari nga qyteti i Kukësit , ishte divorcuar nga bashkëshortja me të cilën kishte një djalë 1 vjeç, për të vijuar lidhjen jashtë martesore me Xhuljetën.
Mirëpo maturantja kishte refuzuar të ishte bashkë me 31-vjeçarin. Gazetari Spartak Koka i ftuar në emisionin “Kjo javë” në “News24” tregoi me fakte se kjo tragjedi mund të ishte parandaluar.
Sipas gazetarit, Xhuljeta kishte denoncuar më 7 maj, në komisariatin nr.3 Xhafer Matën nën akuzat e përndjekjes. Ndërkohë që 31-vjeçari nuk është mbajtur as 10 orë i shoqëruar në ambjentet e policisë.
Sakaq, në 21 maj 2018, Xhafer Mata i është drejtuar komisariatit nr.3 ku pretendonte se:”Me anë të mashtrimit, ish/bashkëshortja e tij Xhuljeta Çuni (ish e dashura) i ka marrë një sasi lekësh”, bëri të ditur gazetarit Spartak Koka.
