Rexhep Rraja u la sërish në burg, pavarësisht kërkesës së tij për liri me kusht.
Por ndërsa i akuzuari nuk ndodhej sot në seancën gjyqësore që u mbajt në Apel, Xhisiela Maloku ndodhej në derën e Gjykatës për të mbështetur ish-të dashurin, njëkohësisht personin që e denoncoi pak muaj më parë për përndjekje dhe dhunim.
25-vjeçarja u shpreh për mediat se ndodhej aty për të përkrahur Rexhepin, pasi ishte i pafajshëm.
“Erdha për të kërkuar lirimin e Rrexhepit, por për arsye të trafikut arrita vonë. Kjo bëri që mos të isha në gjykatë. Në seancën tjetër do ta mbështes. Nuk jam viktimë. S’kam presion. Këtë e kam bërë edhe me deklaratë noteriale. Ato që kam thënë në media janë të vërteta dhe duhet të më besoni. Oficeri i policisë është në azil. S’kam informacione të tjera. Kam kontaktuar me të, kam marrëdhënie të mira. Kemi marrëdhënie shoqërore”, u shpreh Xhisiela.
Rexhep Rraja u arrestua më 30 shtator për akuzën e përndjekjes së ish-të dashurës së tij Xhiseila Malokut.
Burimi: BalkanWeb
