Xhinset duket se janë një nga veshjet që po rikthehet më fuqishëm në modë dhe dizajnuesit po i çojnë në një tjetër nivel.
“Vetements” solli në pranverë xhinset më të paparashikuara me zinxhir nga pas.
Por nuk u ndal me aq! Modelja Joan Smalls u dallua me një palë xhinse të lidhura me litar gjatë Javës së Modë.
Tashmë një dizajnues japonez zgjodhi të sillte diçka edhe më të paparashikueshme.
Një palë “xhinse” janë prezantuar në Javën e Modës në Tokio, me thuajse të gjithë pjesët e xhinseve të prera duke lënë fare pak materiale, sa për të mbuluar pak pjesë të trupit.
Do të duhej shumë guxim për të dalë në rrugë me to veshur.
