Këngëtarja shqiptare Xhesika Polo ka humbur një person mjaft të dashur të familjes.
Nëna e saj e cila është motra e këngëtares Valbona Mema, ka ndërruar jetë pasi prej kohësh vuante nga një sëmundje e rëndë.
Lajmin e trishtë e ka dhënë Xhesika me një postim në Instastory, ku njofton të gjithë të afërmit të marrin pjesë në ceremoninë e varrimit ditën e nesërme.
“Nesër në orën 15:00 i japim lamtumirën të shtrenjtës tonë në Tufinë! Lamtumirë mam”, shkruan ajo.
Valbona Mema gjithashtu i ka dhënë lamtumirën e fundit motrës së saj me një dedikim të ndjerë.
“Lamtumirë motra ime e shtrenjtë, qoftë i lehtë dheu për ty zemra ime”, shkruan Valbona ndërsa ka publikuar një foto me të motrën.
Familja e Xhesika Polos, është një familje artistësh, dhe këtë e ka treguar vetë Xhesika që në fillimet e karrierës së saj:
“Babai im ka kënduar në rininë e tij me Tingullin e Zjarrtë, tezja ime është këngëtare, gjyshja ime ka qenë këngëtare, mamaja ime është piktore dhe vëllai im, Marko Polo është producent muzikor. Nga llogaritë, unë kurrsesi nuk do dilja mjeke”, është shprehur ajo.
