Kur pamë modelen shqiptare Xhesika Berberi krah këngëtares Selena Gomez nuk na u besua. Dy të rejat dukeshin kaq të afërta dhe të gjithë u lumturuan që i pamë në atë mënyrë.
Tashmë Xhesika Berberi ka treguar se ka nisur të hyjë në shoqëritë e disa prej njerëzve më të famshëm.
Modelja e famshme shqiptare publikoi një video në “InstaStory”, se ndodhej në një varkë me çiftin e njohur, Scott Disick dhe Sofia Richie.
Scott Disick është i njohur si ish-bashkëshorti i Kourtney Kardashian, ndërsa Sofia si vajza e këngëtarit të njohur Lionel Richie.
Xhesika duket se bashkë me çiftin dhe personat e tjerë që i shoqëronin ka shijuar diellin e Miamit.
Në një prej fotografive të publikuara nga mediat ndërkombëtare dallohet me kurriz edhe modelja shqiptare, e cila po bisedon me një femër dhe dy meshkuj të tjerë që ndodhen në varkë.
Nuk e dimë nëse Xhesika Berberi njihet me çiftin e famshëm, apo thjesht kanë bërë udhëtimin së bashku, por sërish është një ogur i mirë për modelen, e cila ka nisur karrierën e modelingut në Amerikë.
