Këngëtarja Xhensila Myrtezaj dukej si një princeshë përrallash në fotot e realizuara në ditët e fundit të shtatzënisë.
Ajo pritet të sjellë në jetë një vogëlushe ndaj dhe i dokumentoi këto momente në një set fotografik mjaft të ëmbël.
E veshur me një fustan rozë dhe me një ambient të mbushur me lule, Xhensila dukej tamam si një princeshë.
“Po i ndaj këto foto pak javë para se e vogla ime të vijë në jetë”, shkruante dje Xhensila në rrjetet sociale.
Fansat dhe miqtë u dyndën me komente të shumta dhe urime të përzemërta, por ne ishim kuriozë të dinim mendimin e Besit për këto foto dhe e gjetëm atë mes qindra komenteve.
Besi duket se ka mbetur pa fjalë por nuk i le shakatë as kur bëhet romantik. Ai i ka shprehur ndjenjat përmes emoji-t të zemrave ndërsa në fund duket se i ka shpëtuar një emoji domateje si pa dashje. Ndërsa Xhensila i ka kthyer të njëjtën përgjigje, pikërisht atë që meriton: Domate me shumicë!
