Më 12 korrik të këtij viti Xhensila Myrtezaj u bë nënë për herë të parë, pasi solli në jetë vogëlushen e pagëzuar me emrin Ajka, por që ende nuk e ka prezantuar me publikun.
Pas një pauze të shkurtër nga muzika, ajo u rikthye këtë muaj me koncertin e saj të parë dhe zgjodhi për këtë një klub nate në Zvicër.
Mbrëmjen e së enjtes këngëtarja “provokoi” fansat me një foto sensuale. Pavarësisht se nuk tregonte asetet dhe e gjitha e veshur me të zeza, Xhensila dëshmoi se është më në formë se kurrë pas lindjes.
Një detaj tek, i cili nuk shkoi vëmendja e ndjekësve, ishte gota e verës. Pirja e alkoolit ka hapur shpesh debate mes fansave dhe personazheve publike pas lindjes, si rasti i Beyonce.
Por këtë herë ndjekësit e saj nuk e kanë pasur aspak mendjen te gota që mban në dorë Xhensila. Nga ana mjekësore, një gotë verë për një grua që ushqen fëmijën me gji nuk është asgjë, pasi shndërrohet në një sasi të papërfillshme pas dy orësh.
