Ish-banorja e “Big Brother”, Xhensila Pere, ishte e ftuar së fundmi në një intervistë në “Top Channel”, ku zbuloi se ka vendosur të shkojë në Amerikë për të vazhduar planet e saj.
E pyetur pse po vendos të ikë nga Shqipëria, Xhensila tha: “U lodha, u lodha duke u përpjekur të tregoj që jam e vërtetë. Gjithë kohës duhet të jepeje një lloj shpjegimi “pse je këtu, pse ke bërë këtë e atë.”
Gjatë intervistës ajo u përlot teksa po fliste për nënën e saj, për të cilën tha se ka pikë të dobët.
“Kur shoh mamin përlotem edhe përpiqem ta mbaj veten. Fatmirësisht jetojmë në kohën e teknologjisë, dhe do të jem gjithë kohë në Face Time me mamin. Por si të gjithë prindërit besoj që të gjithë urojnë më të mirën për fëmijën e vet, edhe kur e mira është shumë kilometra larg”- tha Xhensila.
Duke treguar për momentin kur i tha mamasë së saj vendimin që kishte marrë për të shkuar në Amerikë, Xhensila tha se e mori bekimin e saj me gjysëm zëri.
“Ka qenë shumë moment i vështirë edhe po i bija rrotull muhabetit. Pataj po mundohesha t’i bëja një lloj diskutimi për të arritur te pika krysore dhe i thashë “do iki në Amerikë.” Pastaj heshtje, dhe lotë, dhe kur po i rendisja të gjitha arsyet pse dua të largohem, ma dha bekimin e saj me gjysëm zëri”– tha Xhensila.
Ajo nuk la pa prekur as eksperiencën e saj në “Big Brother”, 8 vite më parë, ku asokohe u dashurua me një tjetër banor të reality-showt. Ajo foli me reagimet që mori në atë kohë, duke i krahasuar me reagimet që marrin programet e tilla sot.
“Ajo grupmoshë që më ka masakruar sot janë fansat më të mëdhenj të këtyre programeve. Ndjehem shumë e tradhtuar sepse edhe sot që ne flasim njerëz viralë janë ata që thonë vetëm broçkulla dhe janë analfabetë. Mua më ngeli si një shenjë që duhet ta mbart me vete, ndërkohë që njerëzit sot janë fansa të atyre progammeve dhe personazheve që Xhensila pati guximin t’i bëjë 8 vite më parë. Ndoshta nuk ishte gati publiku në atë kohë për atë që bëra. Publiku nuk ishte gati për ta pranuar që fundja ishim në një shtëpi të monitoruar për të treguar të gjitha gjërat”- tha Xhensila.
