Mediat rozë kanë pasur dje në qendër të tyre këngëtaren Xhensila Myrtezaj duke dhënë lajmin e shumë pritur se ajo është shtatzëne. Çifti i njohur është përfolur vazhdimisht për një shtatzëni të mundshme duke nisur që nga dasma madhështore që ata organizuan. Ata e kanë mohuar gjithmonë, por lajmi i kësaj radhe dukej më bindës, duke qenë se thuhej edhe fakti se ku po e ndiqte shtatzëninë Xhensila.
I menjëhershëm ka qenë reagimi i këngëtares , e cila e ka mohuar në mënyrë kategorike këtë lajm.
“Lajme jo të vërteta. Urimet ruajini kur të ndodhë vërtetë”: ka shkruar Xhensila duke postuar në “Instastory” foto e mediave që kishin publikuar lajmin mbi shtatzëninë e saj.
Këngëtarja simpatike e ka marrë me sportivitet edhe kësaj radhe këtë lajm meqenëse edhe është mësuar tashmë sepse një herë në tre muaj mediat e bëjnë shtatzënë.
“Meqenëse tani jemi mësuar, njëherë në tre muaj ky lajm del”: ka shkruar Xhensila në “Instagram”.
Çifti i famshëm e kanë shprehur gjithmonë dëshirën për një fëmije, megjithëse janë shprehur se nuk është në dorën e tyre kjo gjë, kur të vijë do të jetë i mirëpritur.
