Xhensila Myrtezaj dhe Bes Kallaku kurorëzuan dashurinë e tyre me martesë në shtator. Ata janë një ndër çiftet më simpatik të showbiz-it shqiptarë. Xhensila është dalluar gjithmonë për stilin e saj plot shije të veshjes, por edhe për faktin që ka veshje shumë të shtrenjta. Normal ja ble Besi do mendonim të gjithë, por me sa duket nuk qenka kështu. Kush ja ble rrobat këngëtares simpatike?
Xhensila ishte e ftuar në emisionin “Why not” të Roza Latit ku rrëfeu se nuk ja ble Besi rrobat e shtrenjta që ajo vesh si dhe këngët që ajo bën nuk ia sponsorizon ai. Megjithëse nuk mohoi se në fillimet e saja ka qenë Besi ai që i ka dhënë një dorë për të ecur drejt suksesit të saj.
“Do isha mosmirënjohëse po ta mohoja që në fillim Besi më ka mbështetur si shok, si partner. Ai më ka thënë që do të mbështes tani që të mos kesh nevojë më vonë t’i shtrish dorën askujt”: tha Xhensila gati e prekur nga zemërgjerësia e partnerit të saj, tipar që edhe ne ia njohim aktorit të humorit dhe që ajo e theksoi.
Më pas këngëtarja ia ka dalë që të sigurojë vetë të ardhurat dhe të mbulojë me to kërkesat e saj.
“Unë kam punuar fort dhe, sigurisht pa mohuar dhuratat e partnerit, të gjitha veshjet që shihni dhe çdo shpenzim timin e ble vetë”: tha Xhensila.
Besi dhe Xhensila janë një çift shumë human dhe shumë shpesh ata dhurojnë për bamirësi, sidomos për fëmijët jetimë. Këngëtarja simpatike iu ka bërë thirrje të gjithëve të bëjnë bamirësi sepse në radhë të parë ndihmojnë veten e tyre.
