Xhensila Myrtezaj, kohët e fundit, ka qenë një ndër këngëtaret më të komentuara në mediat rozë. Xhensila u përpoq ta mbante të fshehtë shtatzëninë e saj, si një natyrë supersticioze që është, mirëpo burime pranë saj, si dhe detaje të ndryshme e tradhtuan duke e bërë pjesë të mediave rozë, edhe pse ajo e mohonte që të ishte shtatzënë.
Çdo detaj i jetës së Xhensilës përbën interes për fansat, të cilët janë të dashuruar me zërin e saj, por edhe me ëmbëlsinë dhe dashamirësinë që ajo transmeton me portretin e saj.
Dje Xhensila publikoi një foto në “Instagram” ku shfaqet në makinë dhe shihet qartë se shtatzënia i ka dhënë një nur të bukur. Fansat kanë nxituar ta komplimentojnë për pamjen e saj, por midis tyre ka spikatur edhe një koment i koleges së saj, Greta Koçit.
“Ke qenë e bukur, por tani je bërë një mega yll. Të dua dritë”, ka shkruar Greta.
Ndërkohë nga ana tjetër nuk ka munguar edhe një koment i mbushur me dashuri nga ana e Xhensilës.
“O shpirt sa shumë që më ka marrë malli. Të dua”, ia ka kthyer Xhensila Gretës.
Nga këto komente dy këngëtaret na treguan se ndajnë një miqësi të ngushtë me njëra-tjetrën.
