Xhensila Myrtezaj tashmë po shijon muajt e fundit të shtatzënisë dhe të gjithë jemi kuriozë të shohim se si është transformuar. Mirëpo kohët e fundit këngëtarja simpatike, e cila është në muajin 8-të të shtatzënisë, ka postuar shumë rrallë foto në rrjetet sociale. Madje dhe në ato foto që ka publikuar është kujdesur që të mos e ekspozojë barkun.
Mirëpo ditën e djeshme Xhensila na e ka shuar të gjithëve kuriozitetin duke postuar një video në Instastory ku shfaqet me një fustan të zi të ngushtë që ia tregon më së miri barkun e rrumbullakosur.
Më e lumtur se kurrë Xhensila shfaqet rrëzëllitëse dhe duket sikur nuri i shtatzënisë e ka bërë edhe më të bukur.
Kujtojmë që Xhensila dhe Besi së shpejti do të bëhen prindër të një vajze, e cila do të jetë shumë me fat duke parë përkushtimin e madh që ata po tregojnë që tani ndaj saj.
