Xhensila Myrtezaj vetëm pak ditë më parë pranoi publikisht se është në pritje të ëmbël. Këngëtarja simpatike publikoi në “Instagram” një foto ku shfaqet së bashku me Besin, ku shkruante: “Kur dy bëhen tre”.
Për më tepër Xhensila na dëshmoi në çdo formë të mundshme se do të bëhet nënë e një vajze, ashtu siç ajo e ka ëndërruar gjithmonë. E ftuar në emisionin “Në kurthin e Piter Pan”, Xhensila kishte zgjedhur të vishte një fustan “pink” dhe gjithçka që e rrethonte ishte po në ngjyrë rozë, madje dhe një dhuratë surprizë iu bë në ngjyrë rozë, pikërisht në këtë moment ajo konfirmoi gjininë e bebit.
Ndërkohë që është më shumë se 5 muajshe shtatzënë Xhensila po vazhdon normalisht aktivitet e saj të përditshme. Vetëm pak ditë më parë e pamë duke kënduar dhe shfaqej mjaft energjike. Ndërsa mëngjesin e sotëm e ka nisur në palestër.
Xhensila na tregon çdo ditë e më shumë se shtatzënia e saj po ecën më së miri dhe ajo ka vendosur ta vazhdojë palestrën edhe gjatë shtatzënisë. Sot ka postuar një foto në “Instastory” ku shihet në pistën e vrapimit. Me sa duket ka vendosur t’iu paraprije kilogramëve të tepër që zakonisht përkojnë në këtë periudhë.
