Këngëtarja shqiptare, Xhensila Myrtezaj ka kohë që përflitet për ndërhyrje në fytyrë. E gjendur përballë këtyre “akuzave”, ajo ka preferuar të flasë.
E ftuar në rubrikën “Intervistë” në emisionin “Thumb” me Aulonën dhe Fatmën, Xhensila ka pranuar se ka diçka artificiale në trupin e saj.
“Artificialë kam vetëm thonjtë se i kam me tipsa. Nuk kam bërë asgjë. Jo se s’kam menduar të bëj, por jam frikacake ndaj ndryshimeve”, është shprehur ajo duke vënë në lojë fansat.
Gazetaret i kanë thënë se në fund të videoklipit “Uh baby” Xhensila dhe Kida duken si dy pika uji, si binjake. Me humor Xhensila ka thënë: “Falë operacioneve plastike”.
Këngëtarja ka rrëfyer se akuzohet se ka bërë ndërhyrje te vetullat, qerpikët, lëkura dhe hunda, por në fakt ajo nuk ka bërë asnjë nga këto.
