Xhensila Myrtezaj dhe Besa Kallaku prej disa muajsh i kanë mbajtur fansat në ankth me faktin që janë apo jo në pritje të një fëmije. Pas lajmit të “Iconstyle.al” se Xhensila është në muajin e pestë të shtatzënisë dhe së shpejti do të bëhet nënë e një vajze, në media filluan të qarkullojnë edhe imazhet e para të Xhensilës me barkun e rrumbullakosur.
Vetëm 2 ditë më parë Xhensila dhe Besi konfirmuan publikisht lajmin e shtatzënisë duke publikuar foto me barkun e rrumbullakosur dhe me dedikime mjaft emocionuese. Ndërsa mbrëmjen e djeshme Xhensila u shfaq për herë të parë në ekran me barkun e rrumbullakosur dhe konfirmoi se është në pritje të një vajze.
Xhensila kishte zgjedhur të vishte një fustan “pink” që vërtetoi edhe lajmin e “Iconstyle.al” se Xhensila ishte në pritje të një vajze dhe askush nuk mund ta vinte më në dyshim. Por zyrtarisht e konfirmoi pas një pakoje të madhe që kishte ardhur surprizë, pas së cilës fshiheshin tullumbacet me ngjyrë rozë.
Me sa duket Xhensilës i është plotësuar dëshira për ta pasur fëmijën e parë vajzë, duke qenë se gjithmonë e ka projektuar veten nënë të një vajze.
