Xhensila Myrtezaj më në fund ka thyer akullin dhe i ka shkuar në emision moderatorit Alaudin Hamiti, të cilin e kishte refuzuar shpesh herë për shkak të një deklarate të tij të vjetër.
Nëse nuk ju kujtohet, Alaudini është shprehur më herët pse Xhensila nuk i vjen në emision:
“Sepse më është bërë një pyetje për këto këngëtaret që janë me emër tani, ka qenë Elvana, Tuna edhe Xhensila. Edhe i ftuari më ka pyetur, cila prej tyre më pëlqen më pak ose që ka talent më pak edhe unë kam thënë emrin e Xhensilës”.
Por si i doli inati Xhensilës? Epo pas shumë ftesash dhe miqsh që i ka futur moderatori, Xhensila tha se koha e bëri inatin të zbehet:
“Unë jam njeri që nuk jam aq gjakftohtë dhe e lë në momentin e duhur që inati të zbehet. Nuk jam kurrë hakmarrëse, por do e lë inatin tim të zbehet”, u shpreh këngëtarja.
E pyetur nëse është gjakftohtë, Xhensila qeshi dhe tha se duhet të pyesësh Besin ose nënën e saj për këtë!
Por si ka qenë fëmijëria e Xhensilës?
Këngëtarja tregoi edhe përjetimet dhe rritjen nga një nënë heroinë që përballej me paragjykimet e njerëzve pasi ishte e divorcuar.
“Kam qenë shumë fëmijë i ndrojtur, e vetmja dritare që ka qenë hapur për mua ka qenë muzika. Paragjykimi ka qenë e vazhdon. A do mundja unë të bëja atë që nëna ime ka bërë? Ime më ka luftuar shumë për mua për motrën time, u përpoq me mish e shpirt që të shkollohemi për të qenë në rrugën e drejtë. Mami gjithmonë ka qenë nënë konservatore. Unë mendoj që këto nëna dhe këto raste u duhen dhënë ndihmë edhe nga shteti edhe nga ne si komunitet. Ato janë heroina të vërteta”.
