Xheni Mhillaj, ish-banorja e “Big Brother”, u bë e njohur nga të gjithë për lojën e saj brenda shtëpisë më të vëzhguar në Shqipëri, por edhe për lidhjen e saj me ish-banorin tjetër, Benardin. Historia e tyre e dashurisë shumë e adhuruar nga fansat, fatkeqësisht përfundoi shumë shpejt.
Pak ditë më parë Xheni postoi një foto në Instagram ku tregonte se kishte filluar një punë të re. Ajo shfaqej në një zyrë para kompjuterit, megjithatë nuk bënte të ditur se çfarë pune kishte filluar.
Me një postim në Instastory Xheni sot na ka lënë të kuptohet se punon si recepsioniste, pasi shihet e ulur para derës dhe me aparatin telefonik para.
Ish-banorja e “Big Brother” me sa duket po ndihet mjaft mirë me punën e saj të re dhe për këtë arsye ka ndarë disa momente edhe me fansat e saj.
