Shoqet e ngushta janë aty pranë për ty në momentet e vështira dhe të bukura, apo për të nxjerrë bojën në rrjetet sociale! Ky është rasti tipik i dy moderatoreve, Xhemi Shehut dhe Arbana Osmanit.
Kjo e fundit publikoi mbrëmjen e së mërkurës disa foto krah mikeshës së saj Xhemi, e cila feston ditëlindjen dy ditë më vonë.
Arbana zgjodhi ta surprizonte atë me foto nga momentet e tyre së bashku, teksa qëndrojnë në shtëpi, në lokale apo në udhëtime.
“Numërimi mbrapsht për ditëlindjen e Xhemit me disa nga kujtimet tona më të bukura. Ku e rëndësishme ka qenë të kem dalë unë mirë sigurisht”, shkruan ajo me shaka në InstaStory.
Në qendër të çdo fotoje duket se është Arbana në vend të Xhemit dhe kjo është e qëllimshme. Ajo i mbyll kujtimet me dedikimin ‘Të dua’, por mikja e saj nuk e priti aspak mirë këtë surprizë.
Xhemi nuk ka vonuar të reagojë dhe një pjesë të bisedës së tyre, Arbana e ka publikuar sërish në ‘Instagram’.
