Xhaxhai i Eglantina Buci ka kërkuar eshtrat e mbesës së tij, e cila u vra 8 vite më parë dhe u gropos në Malin me Gropa, krim për të cilin akuzohen babai i saj dhe vëllai.
Bashkim Buci ka depozituar në Policinë e Tiranës një kërkesë për të marrë eshtrat e mbesës së tij dhe për t’i bërë varrimin. “BalkanWeb” raporton se Buci është paraqitur në polici, ku ka shprehur interesimin e tij, por eshtrat nuk i janë dorëzuar familjes, pasi hetimet vijojnë.
Vëllai i viktimës, Shkëlzen Bucim mohoi kategorikisht që të jetë autor i krimit, ndërsa theksoi se nuk kishte ngritur kurrë dorë ndaj së motrës. Madje ai tha se nuk dinte të qëllonte me armë.
Mes të tjerash, Shkëlzeni ka thënë se e ka shpirtin e djegur për të motrën, që e çuan e bënë copa në Malin me Gropa. Ai i bëri thirrje dëshmitarit të tregojë ngjarjen e vërtetë se çfarë ka ndodhur.
“Dëshmitari duhet të tregojë të vërtetën. Për mua mjafton që të gjejë personi i vërtetë që ka vu dorën mbi motrën time, dhe unë le të vdes. S’kam asnjë kompleks për dënimin. Kam shpirtin e djegur dhe të përvëluar. Mbas vuajtjes e çuan e bënë copa në Malin me Gropa dhe na nxorën familje horror. Do të lutem, shokut tim i drejtohem, që t’i nxjerr të gjitha të vërtetat. Mos hidh baltë se unë jam në burg, se unë jam në burg e babai im po. Se kam bërë një krim, s’do të thotë se jam kriminal, e thua se kam vrarë motrën time. Kam besim tek drejtësia se kjo çështje do të hetohet.
E kam besimin tek gazetaria më shumë. Nëse unë kam marrë pjesë tek këto itinerare, një nga detajet do e nxjerrin të vërtetën. Unë nuk mund të identifikojë askënd për sa kohë që unë nuk kam prova. Se po të kisha prova s’do kisha ardhur këtu. Do i kisha bërë lëvizjet e mia, me shtet, pa shtet. S’mund të identifikojë një njeri specifik. Unë di të them një gjë që; i lutem zotërisë, që të tregohet i sinqertë pa komplekse, pa presione. Të tregojë të vërtetën, siç e dinë. Jo të shpifë, Në fund të fundit çdo gjë duhet të provohet”, tha Buci në një prononcim për News 24.
/Iconstyle.al
