Në pranverë moti dallohet për kapriçot e tij, ku në mëngjes dhe në darkë është shumë ftohtë ndërsa në mesditë është aq vapë saqë pendohesh që je veshur aq shumë. Megjithëse me thënë të drejtën duket sikur këtë vit pranvera ka harruar të vijë dhe të gjithë jemi me shpresën se kur do të rishfaqet dielli.
Sipas parashikimeve të motit ditën e martë reshjeve të shumta të shiut do t’ua zërë vendin dielli përvëlues. Ndërkohë ne duhet të fillojmë përgatitjet për gardërobën tonë. Gjithsesi aksesori që duhet ta kemi me vete në çdo moment gjatë pranverës është xhaketa. Asnjëherë nuk i dihet çfarë do të ndodh dhe një xhaketë e bukur na shpëton nga situata.
Por çfarë lloji xhaketash janë në modë këtë vit? Nga një vëzhgim në “Instagram” femrat e njohura shqiptare tashmë i kanë bërë zgjedhjet e tyre. Më dominuese janë xhaketat xhins dhe ato lëkurë, por nuk mungojnë edhe pelushët e hollë që na tregojnë gjithmonë plot stil.
Me sa duket trendi i vitit të kaluar që riktheu xhaketat xhins do të vijojë fuqishëm edhe këtë vit, por me detaje të vogla që bëjnë diferencën. Lulet e qëndisura do të jenë mëse të pranishme në to. Xhaketat xhins do të jenë si të shkurtrat, po ashtu edhe të gjatat, varet se cili është stili juaj i preferuar që iu bënë të ndiheni më mirë.
Ndërsa ajo që nuk duhet të mungojë në gardërobën e një femre është pa diskutim xhaketa lëkurë. Ato janë ndër veshjet më të rehatshme dhe të preferuara për femrat gjatë pranverës dhe mund të kombinohen lehtësisht me çdo gjë. Mund t’i vishni paradite, në zyrat e punës, e deri në mbrëmjet e vona me miqtë.
Xhaketat lëkurë mund t’i veshim me xhinse apo me pantallona elegante, me funde dhe fustane, madje dhe me veshje luksoze për mbrëmje.
Lori Hoxha
Kida
Armina Mevlani
Aurela Hoxha
Jonida Maliqi
Kejvina Kthella
Viola Spiro
Xhesika Berberi
Irena Kita
Orinda Huta
Burimi: Iconstyle.al
