Kjo ditë është historike, pasi Kim Jong-Un u bë lideri i parë i Koresë së Veriut që shkel në Korenë e Jugut, duke kaluar vijën ushtarake që ka ndarë gadishullin që prej fundit të Luftës Koreane, në vitin 1953.
Takimi historik gozhdoi qytetarët e dy vendeve para ekranit ndërsa dy liderët shtrënguan duart në kufi.
Lideri koreano-jugor Moon Jae-in dhe Kim qëndruan në të dyja anët e kufijve, pasi ky i fundit e ftoi që për pak çaste të kalonte kufirin drejt Veriut.
Pasi udhëheqësit përfunduan bisedimet në ndërtesën e Shtëpisë së Paqes për mënyrën se si të vendosin paqen në Gadishullin Korean dhe për të përmirësuar lidhjet midis rivalëve, Kim u kthye në Veri për drekë me limuzinën e blinduar “Mercedes” dhe 12 truproja që e shoqëronin duke vrapuar. Po, e lexuat mirë!
Ky zakon i padëgjuar më herët habiti të gjithë botën dhe mediat.
Ndryshimi i situatës është kolosal, pasi vetëm pak muaj më parë diskutimi mes vendeve ishte luftarak, ndërsa tani ata mund të diskutojnë paqen dhe armët bërthamore.
Burimi: CNN
