Tayna është një ndër artistet më të pëlqyera të momentit dhe fama e saj ka kaluar kufijtë.
Këngët e saj kanë nisur të dëgjohen kudo, madje edhe nga personazhe me famë ndërkombëtare.
Këtë e tregon edhe postimi i fundit i futbollistit të Real Madrid, Vinicius Junior.
Ai ka publikuar në Instastory një pjesë të këngës së fundit të reperes shqiptare “Sicko”.
Në këtë mënyrë ai ka shprehur hapur pëlqimin e tij për Tayna-n dhe sigurisht që reperja nuk mund të ishte më e lumtur se kaq.
Ajo ka ripostuar në Instagram-in e saj videon duke treguar se është mjaft e lumtur për suksesin e saj.
Kjo nuk është hera e parë që Tayna merr vlerësim nga personazhet e huaj, pasi pak kohë më parë ajo mori edhe pëlqimin e Rita Orës për këngën “Bye bye”.
