Në muajin prill, Fero dhe Arbenita, u bënë prindër për herë të parë. Ata u bekuan me një vajzë, të cilës i vendosën emrin Nina.
Brenda pak kohësh, Nina është kthyer në bebushin më të komentuar në rrjete sociale dhe të gjithë janë në një mendje se ajo është kopje e babi Feros.
Cifti s’e ka pasur problem të tregojë në rrjete sociale portretin ëngjëllor të vajzës së tyre, të cilën po e shohim teksa rritet çdo ditë.
Nina erdhi në jetë në Gjermani dhe pas dy muajsh në lëvizje, më në fund Fero dhe Arbenita janë kthyer në shtëpinë e tyre. Si u pritën Nina dhe Arbenita në shtëpi? Si princesha! Këtë na e tregojnë pamjet që vetë Arbenita ka treguar në InstaStory.
“Më në fund në shtëpi”- shkruan modelja krahas postimit.
Fero ishte i ftuar në emisionin “Rudina”, në të cilin rrëfeu shumë detaje nga jeta e re dhe historia e dashurisë me Arbenitën. Fero tregoi se me modelen është njohur për herë të parë në Shkup dhe aq shumë është mahnitur nga bukuria e saj, sa nuk ka pasur mundësi që të dalë nga makina e t’i flasë.
“Po, e mbaj mend momentin e parë, në Shkup. Unë isha në makinë dhe po e prisja, kur e pashë, aq shumë u habita duke e parë sa mbeta brenda në makinë, as nuk dola që t’i flisja herën e parë që jemi takuar”, rrëfeu Fero, teksa shtoi se me Arbenitën kishte kontaktuar kohë më parë në rrjete sociale.
Reepri tha se Arbenita bëhet më shumë xheloze për të, duke qenë se ai është vazhdimisht i rrethuar nga fanset. Fero tregoi se në planet e çiftit është edhe një dasmë, e cila për shkak të situatës së pandemisë ka qenë e pamundur, prandaj janë mjaftuar me celebrimin.
Fero foli edhe për momentin e ardhjes në jetë të vajzës dhe pse zgjodhën emrin Nina për të. ai tregoi se Arbenita u mërzit shumë pasi vetëm pak orë pas lindjes së vajzës mori lajmin për ndarjen nga jeta të babait.
Sa i përket emrit të vajzës, ai tregoi se e kanë përzgjedhur bashkë me Arbenitën dhe se ka kuptimin “e këndshme”.
“Kemi qenë me Arbenitën duke parë emra dhe na ka pëlqyer të dyve. S’po them as ia ka vënë Arbenita, as unë, por ia kemi vënë bashkë Nina. Po, edhe kuptimin e ka ‘e këndshmja’. Nina do të thotë ‘e këndshme’”, tregoi Fero.
