Të paktën 31 persona humbën jetën, ndërsa 177 shtëpi u shkatërruan plotësisht si pasojë e zjarrit që përpiu një pjesë të Kalifornisë. Yjet e ‘Hollywood-it’ kanë nxitur të gjithë personat të dhurojnë sa më shumë për të ndihmuar njerëzit në nevojë si dhe të ndihmojnë zjarrëfikësit.
Kanye West dhe Kim Kardashian duket se jo vetëm që mbrojtën shtëpinë e tyre duke punësuar një kompani private zjarrëfikësish, por edhe shtëpitë e fqinjëve.
Flakët arritën deri në kopështin e shtëpisë së re të çiftit dhe ata u detyruan të braktisnin menjëherë shtëpinë, por skuadra private e zjarrëfikësve ia doli të mos përhapej edhe më shumë zjarri. “TMZ” raporton se ata hapën kanale në tokë për të ndaluar përhapjen e flakëve.
Nëse ata nuk do të kishin punësuar zjarrëfikësit, shtëpia e tyre do të ishte bërë shkrumb e hi, pasi ndodhet në majën e kodrës. Sipas TMZ, fqinjët janë shumë falenderues ndaj çiftit të famshëm pasi i kanë shpëtuar shtëpitë.
