Është periudha më e bukur e vitit dhe për të mos e ndjerë kaq shumë emergjencën Covid-19 dhe këto ditë të vështira, të gjithë jemi fokusuar në shtëpitë tona.
Me siguri edhe ju keni nisur të vendosni zbukurimet e festave, pemën e dritat e Krishtlindjeve apo Vitit të Ri.
Festa ka ardhur edhe në shtëpinë e Elita Rudit dhe Gjikos, siç na ka treguar së fundmi moderatorja.
Ajo na ka hapur dyert e shtëpisë duke na treguar ambientin fantastik dhe super të ngrohtë, siç i ka hije kësaj periudhe.
Në shtëpinë e çiftit mbizotëron ngjyra blu në shumicën e zbukurimeve, ndërsa sytë na ngelën tek pema e dekoruar deri në detaje.
Gjiko dhe Elita po presin fëmijën e tyre të dytë, një vajzë, ndërsa këto duhet të jenë festat më të bukura për familjen e tyre.
Shumë shpejt Zëri do të bëhet me motër, ndërsa ne jemi kuriozë të mësojmë emrin e veçantë që dyshja do t’i vendosë të voglës.
