Endrit Mërtiri ka dhënë sot një lajm vërtet të këndshëm në lidhje me punën e tij.
Fotoja e realizuar nga fotografi shqiptar ka përfunduar në Billboard-in e famshëm të New York-ut, si një promocion për Javën e Modës që lidhet me shfaqjet e fustaneve të nusërisë.
Vetë Endriti ka dhënë lajmin e bukur në Instagram, ku shprehet: “Fotoja ime në Billboard!” ndërsa nuk mungojnë edhe disa ikona me gojë hapur që tregojnë se fotografi është habitur pa masë.
Për fotografin shqiptar ka pozuar modelja bukuroshe Melisa Toska, e cila duket e mrekullueshme në sfondin e luleve të kuqe që i varen mbi kokë.
Kjo foto është shpërndarë nga të gjithë miqtë e tij në Instagram, të cilët i urojnë suksese të mëtejshme.
Kjo na bën krenarë edhe ne tani që e dimë se i gjithë New York-u mund të shohë punën e fotografit të talentuar shqiptar.
