Dy reperët më në zë të momentit, Rina Balaj dhe Sin Boy, kanë lançuar më në fund albumin e tyre të përbashkët me 20 këngë.
Gjatë karantinës ata iu futën punës për të sjellë projekte të reja dhe vlen të theksojmë faktin se kanë ardhur shumë ndryshe nga zhanri që ishim mësuar t’i dëgjonim .
Në 20 këngët e albumit “MM” çifti këndon shqip dhe greqisht.
Duket se publikut i ka pëlqyer ky album i ri, i cili brenda 24 orëve pas publikimit ka bërë namin në Greqi!
Siç edhe Rina ka treguar në llogarinë e saj në Instagram, “MM” është kthyer në albumin e dytë më të shitur në Greqi që në ditën e parë të publikimit.
Padyshim, ky është një sukses i madh për reperët shqiptarë, të cilët po ngjisin së bashku shkallët e karrierës.
Hidhini vetë një sy këngëve të albumit. Të jeni të bindur që do të fiksoheni!
