Kujtimet e reja të Will Smith kanë qenë mbushur me ngjarje tronditëse. Pasi i zbuloi botës se kishte menduar të vetëvritej në një të kaluar të errët, aktori tani ka dalë dhe ka folur për babain e tij abuziv.
I titulluar “Will” dhe i planifikuar për në 9 nëntor, Will Smith foli për marrëdhënien e tij të komplikuar me të atin. Sipas një fragmenti nga kujtimet, Will shkroi:
“Babai im ishte i dhunshëm, por ai ishte gjithashtu në çdo shfaqje apo recital. Ai ishte i alkoolizuar, por tregohej i matur në çdo premierë të filmave të mi. Dëgjonte çdo regjistrim, vizitonte çdo studio. Kur isha 9 vjeç, pashë babain tim duke goditur nënën time në kokë aq fort sa u rrëzua. E pashë gjakun përtokë. Si fëmijë gjithmonë i thoja vetes se një ditë do të hakmerresha për nënën. Se kur të isha mjaftueshëm i madh, kur të isha mjaft i fortë, kur të mos isha më frikacak, do ta vrisja” tha Smith.
Babai i Will Smith vdiq në vitin 2016. Ishte pas 16 vitesh që prindërit e tij ishin divorcuar. Ai u kujdes për babanë e tij kur ishte i sëmurë, por pranoi se episodi abuziv mbeti me të dhe e përndiqte gjithë jetën.
Ai përmendi se një ditë, e gjeti veten duke ndaluar në majë të disa shkallëve teksa po e çonte me rrota të atin drejt banjës dhe përjetoi një mendim të errët.
“Unë mund ta shtyja atë dhe të largohesha me lehtësi. Ndërsa dekadat e dhimbjes, zemërimit dhe pakënaqësisë u larguan më pas, tunda kokën dhe shkova me të në tualet”
