Ata kanë realizuar një sërë bashkëpunimesh në filmat, “Focus” dhe “Suicide Squad”, dhe është e qartë se marrëdhënia profesionale e 26-vjeçares, Margot Robbie dhe 47-vjeçarit Will Smith, është kthyer në shoqëri të ngushtë.
Aq sa, të ftuar të premten në emisionin e Scott Mills në BBC Radio 1, ata kanë fyer njëri-tjetrin.
“Veshët e tu janë aq të mëdhenj sa që unë mund t’i përdor ato si antena dhe të lidhem me Wi-Fi në shtëpinë e nënës time në Australi “, ka thënë aktorja.
Sfida mes dy aktorëve të njohur vazhdoi me batutën komike të Margot: “Je një version më pak seksi i presidentit Obama” dhe “je aq i vjetër sa që duhet të kërkoj në Google për Princi i Bel-Air, që të shoh si dukeshe në rini”.
Por batuta e Will ishte e fortë, “Ti e di që kam fjetur më nënën tënde”, sa që shkaktoi të qeshura në emisionin live.
