Shumë prej nesh ka dërguar të paktën një mesazh, të cilin nuk do të donte ta dërgonte kurrë!
Tani, “WhatsApp” po përqendrohet në mënyrën sesi t’i ndihmojë njerëzit të tërheqin mbrapsht mesazhet turpëruese, deri në 5 minuta pasi ta kenë dërguar.
Ky ndryshim u shfaq përkohësisht në ndryshimin e fundit të “WhatsApp beta” dhe besohet se do të funksionojë me mesazhet që nuk janë parë ende nga marrësit.
“Funksioni i anulimit do të jetë në dispozicion së shpejti, por me shumë mundësi do të presë përditësimin e radhës së iOS”, shkruan përfaqësuesi i medias sociale.
Versioni i ri i rrjetit social përfshin edhe ndryshime të tjera si, aftësinë për të shpërndarë vendndodhjen me përdoruesit e tjerë, një “font” të ri shkrimi dhe opsionin “ndrysho numër”, i cili u lejon njerëzve të njoftohen nëse merrni një numër të ri telefoni.
Ne mezi po presim ndryshimin e madh!
Burimi: Daily Mail
