Aplikacioni më i përdorur WhatsApp do të vijë me një tjetër risi për të gjithë përdoruesit. Ai ka bërë një përditësim për përdoruesit e Android duke zgjeruar mundësinë e tyre për mesazhe. Përdoruesit e WhatsApp tashmë mund të bëjnë telefonata video pa asnjë pagesë, shkarkime videosh më të qëndrueshme, dhe foto të formatit gif.
Por ajo që ka kënaqur më shumë përdoruesit është një numër i madh emoji-sh të reja. Kështu do ti jepni më shumë shije bisedave tuaja, me foto të reja, fytyrë “smiley” dhe më shumë.
Më interesantet mes tyre janë një grua shtatzënë, nëna dhe fëmija, babai me dy fëmijë, selfie dhe mbulimi i fytyrës me duar.
Gjithashtu ka dhe një numër emoji për diversitetin gjinor, si për shembull versione të ndryshme femrash në punë, sport, aktivitete që deri më parë kanë pasur simbolin e mashkullit.
