Pak orë përpara përballjes Angli – Suedi, dy nga legjendat e futbollit vendosën një bast. Bëhet fjalë për ish-futbollistin suedez Zlatan Ibrahimoviç dhe atë britanik David Beckham, të cilët përmes postimeve në rrjetet sociale përkrahnin skuadrat e tyre.
“Hey @davidbeckham nëse Anglia fiton, do të të jap një dark, ku të dëshirosh në botë, por nëse fiton Suedia do të blesh gjithçka për shtëpinë time. Ok?” – i komenton Zlatan Ibrahimoviç, ish-futbollistit britanik.
“Nëse fiton Suedia, do të të çoj personalisht në dyqan që të blesh gjithçka që të duhet për shtëpinë në Los Angeles. Por nëse Anglia triumfon, atëherë dua që të vish të shikosh një ndeshje të Anglisë në Wembley dhe të mbash veshur bluzën e Kombëtares së Anglisë dhe të shijosh peshk dhe patate gjatë periudhës së pushimit” – i është përgjigjur menjëherë David Beckham.
Tani gjithçka u vendos! Anglia kaloi në gjysmëfinalen për Kupën e Botës, pasi mposhti Suedinë me rezultatin 2 me 0, në një ndeshje të dominuar nga britanikët.
Nuk na mbetet gjë tjetër veçse të shohim Zlatan Ibrahimoviç me fanellën e Anglisë!
