Ngjarja e rëndë ka ndodhur në fshatin Buzaishtë të Pogradecit, ku e mitura është gjetur e pajetë në shtëpinë e saj.
Të afërmit e të ndjerës kanë treguar për mediat se ajo jetonte prej vitesh pa të ëmën, pasi prindërit i kishte të divorcuar. E mesa duket, mungesën e saj e ka vuajtur në heshtje.
Për herë të parë pas pesë vitesh, ajo kishte takuar të ëmën këtë verë, takim që besohet se e ka rënduar psikologjikisht.
“Në orën 2 më merr vëllai në telefon dhe më thotë kështu, ajo mbesa është varur. Çfarë thua i thashë bre, se nuk kishte ndonjë gjë të ankohej se ishin familje e mirë. Duheshin, i mbante mirë. Sot ndjemë lajmin e hidhur. E kishte gjetur e gjyshja bashkë me të ëmën(njerkën) që ka aty, ato e kishin kërkuar se kishin prerë një cik dushk për kecat, kur ajo, ajo ishte varur atje ku i shtihet dushku kecave.
Vajza ishte e urtë, shkonte në shkollë rregullisht dhe s’kishte shfaqur kurrë asnjë problem apo shqetësim.
“Jetonte me babanë me të ëmën (njerkën). Shkonte në klasë të 7 më duket, mësonte ishte shumë e mirë, pa probleme. Unë nuk e di çfarë mund ta ketë shtyrë, nuk jam në brendësi unë kur e mora vesh më erdhi shumë keq, thashë po si… se nuk dëgjonim gjë të grindeshin. Them ngaqë kishte nënën të larguar, e takoi vetëm 1 herë këtë behar, ka 4-5 vjet e larguar, këtë behar para dy muajsh e takoi, e kërkoi. Nuk e di ka ikur, ju lut ky(babai i vajzës)për ta marrë po ajo (nëna e vajzës) nuk donte, jo nuk jetoj këtu. Çupen vetëm këtë behar vetëm 1 herë e ka takuar dhe kaq . Ndihem shumë keq, se nuk është njeri i madh edhe nuk ka pasur asnjë shqetësim, shkonte për bukuri, nuk i ndihej zëri fare. Me vëllezërit dhe motrat e tjera shkonte mirë shumë ajo rriti dhe 2 të tjerë. Gjyshi dhe gjyshja e donin shumë, ata bënë çmos që e mbajtën ta rrisnin me shumë dashuri mirëpo ja që sdel, s’vete atje ku duhet.”- është shprehur një i afërm.
Megjithatë, këto janë deklarata të personave jo brenda familjes dhe jo prezent në vendin e ngjarjes. Ngjarja tronditëse lë ende shumë vend për dyshim, lidhur me mënyrën e ‘vetëvarjes’ së fëmijës dhe presionit psikologjik që mund t’i jetë shkaktuar në familje.
