Nipi i Carolina Herrera besohet se është vrarë në Venezuelë, të enjten e javës së kaluar. Sipas WWD, Reinaldo Herrera dhe kolegu i tij Fabrizio Mendoza u zbuluan në një automjet të braktisur në një autostradë, që lidh Caracas-in me bregun e Karaibeve, pas një rrëmbimi të supozuar.
Dizajnuesja e lindur në Venezuelë ka mbetur e heshtur për trazirat politike në vendin e saj, por pas tragjedisë së saj familjare vendosi të fliste.
Herrera ndau lajmin me 1.7 milionë ndjekësit e saj në “Instagram” dhe fajësoi qeverinë venezuelase për vdekjen e nipit të saj.
Në foton e publikuan të saj dhe të nipit, ajo shkroi: “Faleminderit shumë për të gjitha mesazhet tuaja të matura. Familja dhe unë e vlerësojmë mirësinë tuaj. Shpresa jonë e vetme është që vrasja tragjike e nipit tonë të ri Reinaldo dhe kolegut të tij Fabrizio do të shërbejë për të zbutur vrasjet e tmerrshme dhe vrasjet që kryhen kundër rinisë sonë në Venezuelë. Rezultatet e zgjedhjeve duhet të respektohen. Diktatura komuniste duhet të largohet”.
Ka pasur demonstrata të panumërta duke bërë thirrje për dorëheqjen e Presidentit Nicolas Madura dhe më shumë se 30 protestues kanë vdekur deri më tani.
Burimi: Harper’s Bazaar
