Babis Anagnostopoulos ka mbërritur ditën e sotme në gjykatë ku pritet të kërkojë falje. Piloti grek i cili pranoi vrasjen e gruas 20-vjeçare, është shoqëruar sot nga forca të shumta sigurie dhe është parë i veshur edhe me antiplumb. Seanca gjyqësore pritet të fillojë rreth orës 12:00.
Por teksa pritej që të arrinte në gjykatë, Babis Anagnostopoulos është pritur nga qindra protestues. Disa qytetarë janë mbledhur para gjykatës me thirrje “Vriteni, të kalbet në burg!”.
https://www.youtube.com/watch?v=TGNvtQbEbvY
Sipas informacioneve, i akuzuari do të përpiqet t’ia atribuojë krimin e tij inatit të momentit, akuzës dhe hakmarrjes verbale që ai tha se kishte në natën fatale me Caroline, si rezultat i së cilës ai humbi kontrollin. Në fakt, sipas mbrojtjes së tij, ai do të japë detaje shtesë dhe informacione që nuk i ka paraqitur deri më tani në polici.
“Ky informacion do të hedhë dritë mbi rrethanat e krimit dhe do të pasurojë dëshminë e tij paragjyqësore,” thonë avokatët e tij, shkruan Protothema.
Nga ana tjetër një nga dy avokatët mbrojtës të Babis Anagnostopulos , Vassilis Spyrou, është tërhequr nga çështja e krimit në Glyka Nera, raporton CNN Greece.
Avokati e njoftoi vetë vendimin e tij, pak para se vrasësi të çohej te hetuesi për t’u gjykuar.
“Unë nuk dua të merrem më tej me mbrojtjen e kësaj çështje, në asnjë pjesë të saj, për arsye personale. Faleminderit shumë për gjithë kohën dhe bashkëpunimin. Arsyet janë personale, dhe sot një njeri do kalojë në hetim, e ardhmja e një foshnje gjykohet. Prandaj arsyet e mia personale nuk kanë rëndësi”, tha ai për mediet greke.
Vrasësi 33 vjeçar, pranoi krimin të enjten e kaluar, duke thënë se ai e vrau gruan e tij, Caroline, pas disa mosmarrëveshje në marrëdhënie. Krimi makabër ka ndodhur në 11 maj.
