Një shqiptar është vënë në pranga në Gjermani pasi ka vrarë gruan e tij.
55-vjeçari nga Kosova ka vrarë bashkëshorten duke e goditur me thikë në një park të qytezës, Künzell.
Ngjarja ndodhi në parkingun e makinave të premten pasdite.
Gruaja e cila kishte marrë plagë të rëndë u dërgua menjëherë në spital por nuk ka mundur t’i mbijetojë operacionit.
Ndërkaq, pasi e plagosi në mënyrë makabre kosovari u gjet në makinën e tij pranë gruas së plagosur rëndë, raporton “Newsbomb”.
Në një deklaratë për mediat Policia e Osthessen tha se ai u arrestua pa rezistencë.
