Ditën e djeshme në rrugin e Kamzës në zonën e trenit ndodhi një aksident i rëndë rrugor ku mbetën të vdekur 2 persona, Ramazan Ishmi dhe një vajzë 7-vjeçare.
Sikurse u mësua, 38-vjeçarja Rozina Koleci humbi kontrollin e mjetit dhe përplasi Ramazan Ishmin, i cili po lëvizte me biçikletë dhe më pas goditi edhe nënën së bashku me dy vajzat e saj. Njëra prej vajzave vdiq në vend, ndërsa tjera u dërgua menjëherë në spital në gjendje të rëndë shëndetësore.
Sipas “Ora News” ndaj Rozina Kolecit është firmosur masa e arrestit dhe pritet që ajo të dal përpara Gjykatës për t’u marrë edhe vendimi në lidhje me të. Në dëshminë që Rozina ka dhënë para policisë është zbuluar se ajo ka treguar se ka ngatërruar frenat me gazin në momentin që po i jepte makinës.
Hetimet e deri më tanishme kanë vërtetuar se 38-vjeçarja nuk ishte as nën efektin e alkoolit dhe as duke ecur me shpejtësi.
