Në muajin korrik të vitit 2019, Petrit Lekaj vrau me thikë vajzën e tij 20-vjeçare, Sabrinën, duke e goditur disa herë.
Ai e vrau Sabrinën në makinën e tij, pranë shtëpisë së tyre dhe kur mbërriti policia ai u gjet edhe vetë i plagosur.
Disa muaj pas tragjedisë, Lekaj ka rrëfyer me detaje krimin para policisë, duke u shprehur se nuk kishte dashur t’i merrte jetën të bijës por vetëm ta trembte atë.
Lidhur me ngjarjen e rëndë, gjykata ka dhënë edhe dënimin për Petririn dhe ka vendosur që ai të qëndrojë për 20 vite ne burg.
Në seancën gjyqësore, avokati i Petritit ka thënë se ai e kishte të bijën dritë syri, por për shkak se ajo kishte nisur të bënte një jetë të shthurur, ai nuk e kontrolloi veten.
Babai në deklaratën e tij ka thënë se Sabrina kishte filluar të konsumonte drogë.
