Fadil Kasemi, 53-vjeçari i cili vrau bashkëshorten e tij gjyqtaren Fildeze Hafizi, është dënuar sot me burgim të përjetshëm nga Gjykata Krimeve të Rënda.
Gjatë seancës që u mbajt këtë të enjte, mbrojtja pretendoi rrëzimin e akuzës së rrëmbimit, ndërsa pranoi akuzën e vrasjes dhe armëmbajtjes pa leje, dhe kërkoi lehtësimin e masës së dënimit.
Në fund, avokati Ilia Ilia, kërkoi nga gjykata dënimin e Kasemit në një total prej 25 vitesh, duke tentuar që të shpëtonte klientin e tij nga burgimi i përjetshëm.
Gjatë fjalës së tij, Kasemi tha se ishte penduar për krimin, ndërsa kërkoi që në argumentimin e vendimit të merreshin parasysh edhe arsyet që e kishin çuar atë të kryente vrasjen.
Mbi Kasemin rëndojnë tre akuza, “vrasje”, “armëmbajtje pa leje” dhe “rrëmbim dhe mbajtje peng personi”. Krimi i rëndë u shënua me 31 gusht 2017 pranë shtëpisë ku banonte Fildesi.
Edhe pse kishin më shumë se dy vite të ndarë, Kasemi përndiqte ish-gruan e tij me të cilën kishte dy fëmijë.
Ngjarja e rëndë ndodhi në Tiranë më 31 gusht të vitit të kaluar, në zonën e “Xhamllikut”. Gjyqtarja Hafizi, pasi doli nga një parukeria, po hipte në makinë e saj. Në këtë kohë, Kasemi i është afruar duke e qëlluar me një pistoletë për vdekje.
Burimi: Gazetareforma.com
