Gjykata e Apelit ka vendosur që të dënojë me burgim të përjetshëm, Pjetër Ndrecajn pasi në gusht të vitit të kaluar vrau partneren dhe vajzën e tij 9-vjeçare, në Gjakovë të Kosovës.
40-vjeçari i mori jetën me breshëri plumbash, bashkëshortes së tij që e dhunonte vazhdimisht, dhe nuk kurseu as jetën e vajzës së tij të vogël.
Çifti kishte 16 vjet martesë por pas një konflikti ishin ndarë, ndonëse nuk ishin divorcuar ligjërisht. Ata kishin pesë fëmijë, tre nga të cilët jetonin me Valbonën e dy të tjerë jetonin me babanë e tyre, Pjetrin.
Gjykata e Apelit hodhi poshtë vendimin e Gjykatës së shkallës së parë e cila dha 24 vjet burg. Lidhur me vendimin e Shkallës së parë në Prishtinë janë organizuar edhe protesta.
