21-vjeçari Redmon Gruda, i cili vrau ditën e djeshme gjyshen e tij në Durrës, ka pranuar krimin në polici.
Ai ka dëshmuar se ka pasur debate të vazhdueshem me gjyshen, me të cilën jetonte në të njëjtën shtëpi, që pas vdekjes së babait.
“E godita në gjaknxehtësi e sipër. Me gjyshen kishim debate të vazhdueshme, pasi jetonim të ndarë brenda shtëpisë”, ka dëshmuar Redmon Gruda.
“Që kur vdiq babai nuk kemi shkuar mirë me gjyshen. Dje kemi patur një debat që çoi në këtë akt ekstrem”, tha i riu.
Krimi makabër ndodhi dje në banesën e të moshuarës në lagjen 16 në Durrës. I riu dhe nëna e tij ishin detyruar që të jetonin tek gjyshja, me të cilën kishin debate të vazhdueshme.
