Në tregun e qytetit të Milotit mëngjesin e sotëm ndodhi një ngjarje që tronditi mbarë opinionin. 35-vjeçarja Violeta Donaj qëlloi për vdekje me armë zjarri bashkëshortin e saj Kujtim Donaj, 42-vjeç.
Ata ishin prindër të dy fëmijëve dhe për të mbajtur familjen çdo të diel shkonin në treg për të shitur veshje të përdorura. Sipas dëshmimtarëve në vendngjarje 42-vjeçari i kishte kërkuar gruas të bënte 10 mijë lekë xhiro dhe t’ia jepte menjëherë atij.
Pas një debati mes tyre 35-vjeçarja nxorri pistoletën nga çanta dhe qëlloi për vdjekje bashkëshortin. Pasi u arrestua nga policia Violeta në dëshminë e saj ka thënë se krimin e kreu për motive xhelozie.
“Krimin e kam kryer për motive xhelozie, pasi bashkëshorti më tradhtonte”, ka thënë Violeta para policisë teksa shpjegonte arsyet e krimit.
Në një video të publikuar nga “Tv Klan” Violeta shihet e shokuar dhe duke qarë në momentin që arrestohet nga policia.
Burimi: Panorama
