Vrau 14-vjeçarin me thikë pranë shkollës ‘Fan Noli’ në Tiranë, arrestohet autori

Një ditë pas vrasjes me thikë të 14-vjeçarit Martin Cani pranë shkollës ‘Fan Noli’ në Tiranë, policia njofton se është arrestuar autori i ngjarjes.

“Në vijim të veprimeve hetimore dhe procedurale të kryera në lidhje me ngjarjen e ndodhur ditën e djeshme, në rrugën “Qemal Stafa”, specialistët e Seksionit për Hetimin e Krimeve Ndaj Personit arrestuan një të mitur 14 vjeç, për veprat penale “Vrasja me dashje e kryer ndaj të miturit” dhe “Prodhimi, mbajtja, blerja apo shitja pa leje e armëve të ftohta”, parashikuar nga nenet 79 pika a dhe 279 të Kodit Penal.

Lexo edhe :

Tragjedi në Krishtlindje, babai i dy fëmijëve u gjet i vrarë me thikë, shpallen në kërkim dy vëllezërit

10:25 31/12/25

Këto vende do të jenë të parat që do të mirëpresin vitin 2026

10:07 31/12/25

Ky shtetas, ditën e djeshme, në afërsi të shkollës “Fan Noli”, për motive të dobëta është konfliktuar me dy bashkëmoshatatët e tij dhe gjatë konfliktit i ka goditur ato me mjet prerës. Gjatë konfliktit janë dëmtuar të 3 të miturit.Si pasojë e plagëve të marra njëri nga 14-vjeçarët ka ndërruar jetë në spital, ndërsa tjetri, së bashku me autorin e dyshuar ndodhen jashtë rrezikut për jetën.

Materialet i kaluan Prokurorisë”, njofton policia.