Një ngjarje tronditëse raportohet ditën e sotme nga mediat gjermane.
Mediat shkruajnë se një 43-vjeçar nga Kosova ka bërë një vrasje të dyfishtë duke lënë pa jetë ish-gruan 32-vjeçare dhe partnerin e saj 23-vjeçar.
Sipas policisë gjermane, ngjarja ka ndodhur të shtunën në një stacion treni në Iserlohn, ku 43-vjeçari kishte vrarë me thikë kuzhine të dyja viktimat.
Ai i ka thirrur në një stacion hekurudhor për të biseduar dhe më pas i ka goditur të dy me thikë.
Për fat të mirë ka shpëtuar vajza e tyre dymuajshe.
Mediat shkruajnë se dy ish-partnerët kanë patur probleme prej kohësh dhe marrëdhënia e tyre kishte marrë fund për shkak të dhunës që 43-vjeçari ushtronte herë pas here.
