Një 34-vjeçar është gjetur i pajetë dhe i hedhur në një kanal në në fshatin Zallë Xhuxhë në Fan të Mirditës.
Report.tv raporton se viktima është Eri Zefi, 34 vjeç, me pashaportizim në Adriatik të Kurbinit, por që nuk jetonte atje.
Viktima dyshohet se është vëllai i Ndue Zefit, i cili në shkurt të këtij viti vrau fqinjin e tij 45-vjeçarin Martin Ndreca, pas një sherri banal.
Kjo ngjarje ka ngritur dyshimet se vrasja e Eri Zefit ditën e sotme mund të jetë kryer për shkaqe hakmarrje nga të afërm të viktimës që vëllai i tij la më 24 shkurt të këtij viti.
Grupi hetimor ka shkuar në vendin e ngjarjes dhe po punon për zbardhjen e plotë të saj. Zona ku ndodhi vrasja është disa kilometra larg qendrës së Rrëshenit në një zonë të thellë malore.
Policia ka ngritur disa pika kontrolli si dhe po bën kontrolle të zonës për të kapur autorin ose autorët.
