Detaje të reja janë zbardhur nga vrasja makabre e ndodhur në Mallakastër, ku nipi i bashkëshortit të 50-vjeçares Drita Salaj, e vrau dhe e hodhi në rezervuar gruan, kur ajo i kapi mat duke vjedhur në shtëpinë e saj.
Kunati i viktimës, Lazer Saliaj ka deklaruar se autorët përpara se ta vrisnin kanë pirë një kafe në shtëpinë e saj.
“Jam thirrur mbrëmë në orën 11 të natës në polici dhe kam shkuar atje për një sqarim dhe më kanë thënë ke informacion për kunatën. Unë i thashë jo, e kam takuar me datë 28 dhjetor pimë kafe, e pyeta ke ndonjë hall, më tha jo, jam mirë po më dërgoni disa fruta lart. Ia dërguam po atë ditë, dhe pastaj kam ikur në Greqi dhe u ktheva të dielën. Dje gjatë natës erdha me punonjësit e policisë, provuam derën, ishte e mbyllur, thirrëm nga dritarja dhe prap nuk dëgjuam gjë dhe kështu kemi ndenjur deri në orën 6. policia na tha që kshu kshu, autorët janë kapur dhe pastaj shkuam te rezervuar se mesa duket autorët kanë treguar që e kishin hedhur aty, është 6-7 km larg nga këtu. Shkuam atje nxorën viktimën. Autorët njoh, njërin e kam djalin e kushëririt të parë. Kunati i viktimës, Lazer Saliaj.
Ata kishin pirë kafe, se dy filxhanë kishte aty, meqë ishin të afërt ajo i ka pranuar brenda. Njëri nga ata është djali i kushëririt të parë, është djali i djalit të xhaxhait tim, është brenda dhe ai vetë, i ati. Ata e kishin ktyer shtëpinë, përmbys si duket për punë lekësh. Kjo ka ndodhur të dielën në darkë’, tregoi Lazeri.
Gruaja u gjet e pajetë dhe e zhveshur në rezervuar dhe të rinjtë kanë pranuar krimin në prani të një psikologu.
/Report tv
