“Panorama” ka siguruar dosjen e Prokurorisë ku sqarohet vrasja e ndodhur në zonën e ish-Bllokut mbrëmjen e katër tetorit, ku një person humbi jetën dhe dy të tjerë u plagosën. Sipas Prokurorisë, e gjithë ngjarja ka ndodhur brenda 60 sekondave.
Ndërkohë që nga aktekspertiza e kryer nga organi i akuzës ndaj Ervis Martinaj, rezulton se ai nuk ka qëlluar me armë brenda lokalit në zonën e Bllokut.
Dy ditë pas ngjarjen në Bllok, ndaj Martinajt është kryer ekspertimi kimik për faktorët plotësues të qitjes në bazë të të cilit, rezulton se: “Në katër gjurmëkopjuesit objekte të ekspertimit marrë në dy duart dhe në fytyrët e shtetasin Ervis Martinaj, u evidentuan mbetje të nitritëve dhe nitrateve të cilat ndodhen dhe te mbetjet e qitjes me armë zjarri.”
Sakaq, është kryer një tjeter ekspertim me analizë spektrale për mbetje të qitjes nga arma e zjarrit GSR, në bazë të të cilët ka rezuluar se në duar e Ervis Martinaj nuk është evidentuar sasi baruti nga arma e zjarit.
“Në tamponat standartë me të cilin është marrë model nga dora e majtë dhe e djathtë e shtetasit Ervis Martinaj në lidhje me ngjarjen e datës 04.10.2018 ku është vrarë shtetasi Fabian Gaxha nuk u evidentua prani e mikrogrimcave karakteristike apo konsistente me përbërje të tre elementëve kimik të cilat janë pjesë e mbetjeve të qitjes me prejardhje nga kapsolla e fishekut të armës së zjarrit” theksohet në dosjen hetimore.
Burimi: Panorama
