Policia shqiptare po ndjek një pistë të re në lidhje me të ashtuquajturin atentat, mbrëmjen e djeshme në zonën e ish-Bllokut, ku një person mbeti i vrarë e dy të tjerë të plagosur.
“TiranaPost” shkruan se sherri mes dy grupeve ka nisur për një këngëtare të njohur që ka qenë e pranishme në lokal bashkë me të dashurin e saj biznesmen.
Djemtë që shoqëronin Martinin e kanë ngacmuar këngëtaren dhe në këtë moment ka nisur një sherri mes palëve. Me pas dy persona të armatosur kanë qëlluar në drejtim të grupit Martini duke vrarë truprojën e tij Fabjol Gaxha (Rigers Gaxha), ndërsa të plagosur kanë mbetur vetë Martini miku i Laert Hato (emri i saktë).
Policia konfirmoi gjithashtu se konflikti që përfundoi me një të vrarë nisi brenda lokalit. Fillimisht ishte viktima Rigers Gaxha, i cili goditi me grusht palën kundërshtare. Me pas ka pasur shkëmbim zjarri mes tyre dhe janë përdorur 2 pistoleta.
Burimet thonë se skena ka qenë e përgjakshme dhe lokali është mbushur me gjak.
