Ervin Mata, i fejuari i këngëtares Elvana Gjata, është vetëdorëzuar në polici.
Biznesmeni Mata, pas rreth 4 muajsh në kërkim, ka zgjedhur t’i dorëzohet drejtësisë.
Ai është i dyshuar si një prej autorëve të vrasjes së ndodhur në ish-Bllok në tetor të vitit 2018-të.
Rikujtojmë se Ervin Mata, u përfshi në konfliktin me armë të ndodhur konkretisht në 5 tetor në një lokal në Ish-Bllok, ku u qëllua për vdekje Fabjol Gaxha, ndërsa mbetën të plagosur Ervis Martinaj dhe Eljo Hato.
Gaxha dyshohet se u qëllua për vdekje nga ish-komandoja Mervjol Bilo, i cili vijon të jetë ende në kërkim.
Por ndërsa fillimisht, pati dyshime se konflikti erdhi si pasojë e një ngacmimi që i ishte bërë të fejuarës së Matës, këngëtares Elvana Gjata, hetimet zbuluan se përplasja, kishte si motiv prishjen e pazareve të drogës.
